काठमाडौं, १५ चैत । पछिल्लो २४ घण्टामा नेपालमा ८९ जना कोरोना संक्रमित थपिएका छन्। यो सँगै कुल संक्रमितको संख्या २ लाख ७६ हजार ८ सय ३९ जना पुगेको स्वास्थ्य तथा जनसंख्या मन्त्रालयले जनाएको छ। जसमध्ये १ हजार २ सय ८२ जना सक्रिय संक्रमित छन्।

गएको २४ घण्टामा २ हजार १०१ जनाको पिसिआर परीक्षण गर्दा ८९ जनामा कोरोना पुष्टि भएको छ। यो सँगै नेपालमा पिसिआर परीक्षण हुनेको संख्या २२ लाख ६१ हजार १४६ पुगेको छ। 

गएको २४ घण्टामा कुनै पनि कोरोना संक्रमितको मृत्यु भएको छैन।  नेपालमा कुल संक्रमित मृतकको संख्या ३ हजार २७ पुगेको छ। हाल ५९ जना क्वारेन्टाइनमा छन्। 

पछिल्लो २४ घण्टामा ९५ जना उपचारपछि डिस्चार्ज भएका छन्। यो सँगै नेपालमा निको हुनेको संख्या २ लाख ७२ हजार ५३० जना पुगेको मन्त्रालयले जनाएको छ।

Hamro Doctor