नेपालमा थप १ सय २० नयाँ संक्रमित थपिए, सक्रिय संक्रमितको संख्या १२ सय १७
काठमाडौं, १२ चैत । गत २४ घन्टामा नेपालमा थप १ सय २० जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा २ हजार ८ सय ९१ पिसिआर परीक्षण गर्दा थप १ सय २० जनामा कोरोना भाइरसको संक्रमण पुष्टि भएको हो ।
नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या २ लाख ७६ हजार ५ सय ९ पुगेको छ ।
यस्तै गत २४ घन्टामा थप ८५ जना कोरोना संक्रमणमुक्त भएका छन् । योसँगै नेपालमा कोरोना भाइरसका कारण संक्रमित हुनेको संख्या २ लाख ७२ हजार २ सय ७२ पुगेको छ । यो दर कुल संक्रमितको ९८ दशमलव ५ प्रतिशत हो ।
हाल नेपालभर सक्रिय संक्रमितको संख्या १ हजार २ सय १७ रहेको छ भने मृत्यु संख्या ३ हजार २० रहेको छ ।
Last modified on 2021-03-26 07:23:33
