गत २४ घन्टामा देशभर १ सय ४५ जनामा कोरोना संक्रमण पुष्टि, १ जनाको मृत्यु
काठमाडौं, ११ चैत । नेपालमा थप १ सय ४५ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा ३ हजार ९ सय ६३ पिसिआर परीक्षण गर्दा थप १ सय ४५ जनामा कोरोना भाइरसको संक्रमण पुष्टि भएको हो ।
नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या २ लाख ७६ हजार ३ सय ८९ पुगेको छ ।
यस्तै गत २४ घन्टामा थप ९० जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २ लाख ७२ हजार १ सय ८७ पुगेको छ । यो दर कुल संक्रमितको ९८ दशमलव ५ प्रतिशत हो ।
हाल नेपालभर सक्रिय संक्रमितको संख्या १ हजार १ सय ८२ रहेको छ भन गत २४ घन्टामा थप १ जनाको कोरोना संक्रमणका कारण मृत्यु भएको छ । योसँगै नेपालमा कोरोना संक्रमणका कारण मृत्यु हुनेको संख्या ३ हजार २० पुगेको छ ।
