काठमाडौं, ९ चैत । नेपालमा कोरोना संक्रमणमुक्त हुनेको संख्या २ लाख ७२ हजार नाघेको छ ।

स्वास्थ्य तथा जनसंख्या मन्त्रालयका अनुसार गत २४ घन्टामा थप ९९ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २ लाख ७२ हजार २० पुगेको छ । यो दर कुल संक्रमितको ९८ दशमलव ५ प्रतिशत हो ।

यस्तै गत २४ घन्टामा थप १ सय ५० जनामा कोरोना भाइरसको संक्रमण पुष्टि भएको छ । मन्त्रालयले सार्वजनिक गरेको तथ्यांक अनुसार गत २४ घन्टामा ४ हजार ४ सय ७२ पिसिआर परीक्षण गर्दा थप १ सय ५० जनामा कोरोना भाइरसको संक्रमण पुष्टि भएको हो । 

योसँगै नेपालमा कोरोना भाइरसका कारण संक्रमित हुनेको संख्या २ लाख ७६ हजार ५६ पुगेको छ । 

यस्तै हाल नेपालभर सक्रिय संक्रमितको संख्या १ हजार १७ रहेको छ ।

Hamro Doctor