काठमाडौं, ८ चैत पछिल्लो २४ घण्टामा देशभर ७७ जनालाई कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता प्रा.डा.जागेश्वर गौतमका अनुसार सोही अवधिमा १०६ जना कोरोनामुक्त भएका छन् । 

गएको २४ घण्टामा थपिएकामध्ये ४१ जना काठमाडौं उपत्यकाका रहेका छन् ।  काठमाडौंमा ३४, भक्तपुरमा २ र ललितपुरमा ५ जनालाई संक्रमण पुष्टि भएको छ । 

पछिल्लो २४ घण्टामा देशभरका बिभिन्न प्रयोगशालामा ३ हजार ८१ जनाको पीसीआर परीक्षण भयो । नेपालमा कोरोना संक्रमितको संख्या २ लाख ७५ हजार ९०६ पुगेको छ भने निको हुनेको संख्या २ लाख ७१ हजार ९२१ रहेको छ । 

 यस्तै, अहिले सक्रिय संक्रमितको संख्या ९६९ रहेको छ । 

Hamro Doctor