काठमाडौं, ७ चैत । नेपालमा थप ७९ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घन्टामा २ हजार ६ सय ७३ पिसिआर परीक्षण गर्दा थप ७९ जनामा कोरोना भाइरसको संक्रमण पुष्टि भएको हो ।

मन्त्रालयका अनुसार नयाँ संक्रमित थपिएसँगै नेपालमा कोरोनाका कारण संक्रमित हुनेको संख्या २ लाख ७५ हजार ८ सय २९ पुगेको छ ।

यस्तै गत २४ घन्टामा थप ८२ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २ लाख ७१ हजार ८ सय २९ पुगेको छ । यो दर कुल संक्रमितको ९८ दशमलव ५ प्रतिशत हो ।

हाल नेपालभर सक्रिय संक्रमितको संख्या ९ सय ९८ रहेको छ भने ४७ जना क्वारेन्टाइनमा रहेका छन् । यस्तै गत २४ घन्टामा मृत्यु संख्या शून्य रहेको छ ।

Hamro Doctor