काठमाडौं, ३ चैत । नेपालमा थप १ सय १४ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घन्टामा २ हजार ७ सय ९० पिसिआर परीक्षण गर्दा थप १ सय १४ जनामा कोरोना भाइरसको संक्रमण पुष्टि भएको हो ।

मन्त्रालयका प्रवक्ता डा. जागेश्वर गौतमले नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या २ लाख ७५ हजार ४ सय २४ पुगेको बताए ।

उनले गत २४ घन्टामा ९४ जना कोरोना संक्रमणमुक्त भएको र नेपालमा कोरोना संक्रमणमुक्त हुनेको संख्या २ लाख ७१ हजार ४ सय ९५ पुगेको बताए । यो दर कुल संक्रमितको ९८ दशमलव ६ प्रतिशत हो ।
्
यस्तै हाल नेपालमा सक्रिय संक्रमितको संख्या ९ सय १५ रहेको छ भने गत २४ घन्टामा कोरोनाका कारण कसैको पनि मृत्यु भएको छैन ।

Hamro Doctor