काठमाडौं, २ चैत्र । नेपालमा थप ७९ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घन्टामा ३ हजार ३ सय ११ पिसिआर परीक्षण गर्दा थप ७९ जनामा कोरोना भाइरसको संक्रमण पुष्टि भएको छ ।

नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या २ लाख ७५ हजार ३ सय १० पुगेको छ ।

यस्तै गत २४ घन्टामा थप ७५ जना कोरोना संक्रमणमुक्त भएका छन् । मन्त्रालयका अनुसार योसँगै नेपालमा कोरोना संक्रमणमुक्त हुनेको संख्या २ लाख ७१ हजार ४ सय १ पुगेको छ । यो दर कुल संक्रमितको ९८ दशमलव ६ प्रतिशत हो ।

गत २४ घन्टामा भने कोरोनाका कारण कसैको पनि मृत्यु भएको छैन । 

हाल नेपालभर सक्रिय संक्रमितको संख्या ८ सय ९५ रहेको छ भने ४४ जना क्वारेन्टाइनमा रहेका छन् ।

Hamro Doctor