गत २४ घन्टामा ९७ जनामा कोरोना संक्रमण पुष्टि, संक्रमितको संख्या २ लाख ७५ हजार नाघ्यो
काठमाडौं, २७ फागुन । नेपालमा कोरोना भाइरसका कारण संक्रमित हुनेको संख्या २ लाख ७५ हजार नाघेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा थप ९७ जनामा कोरोना भाइरसको संक्रमण पुष्टि भएको छ ।
मन्त्रालयले सार्वजनिक गरेको अद्यावधिक तथ्यांक अनुसार गत २४ घन्टामा ४ हजार ४ सय ८४ पिसिआर परीक्षण गर्दा थप ९७ जनामा कोरोना संक्रमण पुष्टि भएको हो । योसँगै नेपालमा कोरोना संक्रमितको संख्या २ लाख ७५ हजार ७० पुगेको छ ।
यस्तै गत २४ घन्टामा थप ६६ जना कोरोना संक्रमणमुक्त भएका छन् । मन्त्रालयका अनुसार हालसम्म नेपालमा कोरोना संक्रमणमुक्त हुनेको संख्या २ लाख ७१ अजार १ सय १६ पुगेको छ । यो दर कुल संक्रमितको ९८ दशमलव ६ प्रतिशत हो ।
यस्तै हाल नेपालभर सक्रिय संक्रमितको संख्या ९ सय ४२ रहेको छ भने ५९ जना क्वारेन्टाइनमा रहेका छन् ।
नेपालमा कोरोनाका कारण हालसम्म ३ हजार १२ जनाको मृत्यु भइसकेको छ ।
