काठमाडौं, १८ फागुन । नेपालमा गत २४ घन्टामा थप ७८ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घन्टामा ४ हजार १ सय २७ पिसिआर परीक्षण गर्दा ३३ जना महिला र ४५ जना पुरुषमा कोरोना भाइरसको संक्रमण पुष्टि भएको हो ।

नयाँ संक्रमित थपिएसँगै नेपालमा कोरोनाका कारण संक्रमित हुनेको संख्या २ लाख ७४ हजार २ सय ९४ पुगेको छ ।

यस्तै गत २४ घन्टामा देशभर रहेका संक्रमित मध्ये थप ७२ जना स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या २ लाख ७० हजार ५ सय ४३ पुगेको छ । यो दर कुल संक्रमितको ९८ दशमलव ६ प्रतिशत हो ।

हाल नेपालभर कोरोनाका कारण २ हजार ७ सय ७७ जनाले ज्यान गुमाइसकेका छन् भने सक्रिय संक्रमितको संख्या ९ सय ७४ रहेको छ ।

Hamro Doctor