२४ घन्टामा थप १ सय १२ जनामा कोरोना संक्रमण पुष्टि, सक्रिय संक्रमितको संख्या ९ सय ३६
काठमाडौं, १४ फागुन । नेपालमा थप १ सय १२ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा ३ हजार ९ सय ४४ पिसिआर परीक्षण गर्दा ४४ जना महिला र ६८ जना पुरुषमा कोरोना भाइरसको संक्रमण पोजेटिभ देखिएको हो ।
मन्त्रालयले सार्वजनिक गरेको अद्यावधिक विवरण अनुसार नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या २ लाख ७३ हजार ९ सय ८४ पुगेको छ ।
यस्तै गत २४ घन्टामा थप ५४ जना कोरोना संक्रमणमुक्त भएका छन् । योसँगै नेपालमा हालसम्म कोरोनाका कारण संक्रमित भएकामध्ये निको हुनेको संख्या २ लाख ७० हजार २ सय ७७ पुगेको छ । यो दर कुल संक्रमितको ९८ दशमलव ७ प्रतिशत हो ।
हाल नेपालभर कोरोनाका सक्रिय संक्रमितको संख्या ९ सय ३६ रहेको छ भने ७१ ज्ना क्वारेन्टाइनमा रहेका छन् ।
हालसम्म संक्रमित भएकामध्ये ९६ हजार ७७ जना महिला रहेका छन् भने १ लाख ७७ अजार ९ सय ७ जना पुरुष रहेका छन् ।
