देशभर ८० जना कोरोना संक्रमित थपिए, १२१ जना कोरोनामुक्त
काठमाडौं, ९ फागुन । पछिल्लो २४ घण्टामा देशभर ८० जनालाई कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले ३ हजार ३२५ जनाको पीसीआर परीक्षण भएकोमा ८० जनालाई संक्रमण पुष्टि भएको जानकारी दिए ।
उनका अनुसार आज थपिएकामध्ये काठमाडौं उपत्यकाका ४९ जना रहेका छन् । काठमाडौंमा ३६, भक्तपुरमा २ र ललितपुरमा ११ जनालाई संक्रमण पुष्टि भएको छ ।
यस्तै, गएको २४ घण्टामा १२१ जना कोरोनामुक्त भएर घर गएकाछन् ।
Last modified on 2021-02-23 06:05:59
