नेपालमा सक्रिय संक्रमितको संख्या १५ सय ८१, १ सय २२ नयाँ संक्रमित थपिए
काठमाडौं, ३ फागुन । नेपालमा थप १ सय २२ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घनमा ३ हजार ५ सय ४१ पिसिआर परीक्षण गर्दा ४२ जना महिला र ८० जना पुरुषमा कोरोना पोजेटिभ देखिएको हो । योसँगै नेपालमा कोरोना भाइरसका कारण संक्रमित हुनेको संख्या २ लाख ७२ हजार ८ सय ४० पुगेको छ ।
यस्तै गत २४ घन्टामा थप १ सय ४४ जना कोरोना संक्रमणमुक्त भएका छन् । मन्त्रालयका अनुसार हालसम्म कोरोनाका कारण संक्रमित भएकामध्ये निको हुनेको संख्या २ लाख ६९ हजार २ सय ४ पुगेको छ । यो दर कुल संक्रमितको ९८ दशमलव ७ प्रतिशत हो ।
यस्तै गत २४ घनटामा थप १ जनाको कोरोनाका कारण मृत्यु भएको छ । योसँगै नेपालमा कोरोनाका कारण मृत्यु हुनेको संख्या २ हजार ५५ पुगेको छ । यो दर कुल संक्रमितको शून्य दशमलव ७५ प्रतिशत हो ।
हाल नेपालभर सक्रिय संक्रमितको संख्या १५ सय ८१ रहेको छ । यस्तै हालसम्म कोरोनाका कारण संक्रमित भएकामध्ये १७ जना भेन्टिलेटरमा उपचाररत छन् भने ५९ जना आईसीयूमा उपचार गराइरहेका छन् ।
