नेपालमा थप १ सय ४ जनामा कोरोना संक्रमण पुष्टि, १ सय ३१ जना स्वस्थ
काठमाडौं, २ फागुन । नेपालमा कोरोना संक्रमणमुक्त हुनेको संख्या २ लाख ६९ हजार नाघेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा थप १ सय ३१ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २ लाख ६९ हजार ६० पुगेको छ । यो दर कुल संक्रमितको ९८ दशमलव ७ प्रतिशत हो ।
यस्तै गत २४ घन्टामा १ सय ४ जनामा कोरोना भाइरसको संक्रमण पुष्टि भएको छ ।
मन्त्रालयका अनुसार गत २४ घन्टामा ३ हजार ५ सय १ पिसिआर परीक्षण गर्दा ४८ जना महिला र ५६ जना पुरुषमा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या २ लाख ७२ हजार ७ सय १८ पुगेको छ ।
यस्तै हाल नेपालभर सक्रिय संक्रमितको संख्या १ हजार ६ सय ४ रहेको छ भने गत २४ घन्टामा मृत्यु संख्या शून्य रहेको छ । हालसम्म नेपालमा कोरोना संक्रमणका कारण मृत्यु हुनेको संख्या २ हजार ५४ पुगेको छ ।
हाल नेपालभर कोरोना भाइरसका कारण संक्रमित भएकामध्ये १५ जनाको उपचार भेन्टिलेटरमा भइरहेको छ भने ६१ जना आईसीयूमा उपचाररत रहेका छन् ।