कस्ता व्यक्तिमा रक्त क्यान्सरको जोखिम हुन्छ उच्च ? ध्यान दिऔं यी कुरामा
आज विश्व क्यान्सर दिवस । नेपालमा वर्षेनी २० देखि २५ हजारका दरले नयाँ क्यान्सरका बिरामीहरु थपिँदै छन् । क्यान्सर विभिन्न प्रकारका मानव शरीरका विभिन्न अंगमा लाग्ने रोग हो । पछिल्लो समय प्रविधिको विकाससँगै क्यान्सर रोगको उपचार पनि सम्भव हुँदै गएको छ । मानव शरीरमा लाग्ने विभिन्न क्यान्सरमध्ये रक्त क्यान्सर पनि एक हो ।
क्यान्सर जटिल प्रकृतिको रोग हो । त्यसमा पनि रक्त क्यान्सरलाई अझ भयावह रुपमा लिइन्छ । नेपाली समाजमा रक्त क्यान्सर भयो भने यसको उपचार नै हुँदैन र बिरामीको तुरुन्त मृत्यु हुन्छ भन्ने सोच । तर समयमै रोग पहिचान भए सबै प्रकारका क्यान्सर निको हुने बताउँछन रक्त रोग तथा रक्त क्यान्सर विशेषज्ञ डा. अमित श्रेष्ठ । रक्त क्यान्सरबाट बच्ने उपायका बारेमा डा. श्रेष्ठको भनाई यस्तो छ :—
रगतमा रहेका आरबिसी र डब्लु बिसी कोषिकाहरू अनियन्त्रित रुपले बढ्नु नै रक्त क्यान्सर हो । रक्त क्यान्सर भए नभएको एकिन गर्ने बोनम्यारोको परीक्षण गर्नुपर्छ ।
रक्त क्यान्सरको प्रमुख कारण:
- अव्यवस्थित खानपान ।
- बिलासी जीवनशैली ।
- धुम्रपान, मध्यपान ।
- रसायनयुक्त वातावरणमा धेरै समयसम्म बस्नु
- आणविक युद्धबाट निस्कने धुँवाधुलो ।
- वातवराणीय प्रदुषण ।
- वंशाणुगत कारण ।
लक्षण :
- रगतमा हेमोग्लोबिनको मात्रा कम हुने ।
- शरीरमा निला नीलडाम टाटाहरू देखिने ।
- कुनै पनि रोग लागेपछि छिटो निको नहुने ।
- चोटपटक लागेमा रगत नरोकिने ।
- नाक, मुख, गिजाबाट रगत बग्ने ।
- शरीरका विभिन्न भागका संक्रमण हुने ।
यस्ता व्यक्तिलाई रक्त क्यान्सरको उच्च जोखिम
- पहिले नै केमोथेरापी लिएका व्यक्ति ।
- विकिरणयुक्त स्थानमा लामो समय काम गर्ने र बस्ने व्यक्ति ।
- बेन्जिन नामक केमिकल प्रयोग गर्ने व्यक्ति ।
बच्ने उपाय
- बेन्जिन केमिकलको प्रयोग नगर्ने ।
- स्वच्छ वातावरणमा बस्ने ।
- सधै स्वस्थ र सन्तुलित खाना खाने ।
- स्वस्थ व्यक्तिले पनि वर्षको एक पटक रगत परीक्षण गराउने ।
- कुनै पनि शंका लागे तुरुन्त अस्पताल जाने ।
बिरामीले ध्यानु पर्ने कुरा
- चिकित्सकको सल्लाह बमोजिम खानपान गर्ने ।
- विशेष गरी काँचो खानेकुरा, जंंगफुड, केमिकल मिसिएको खाना नखाने ।
- औषधिको प्रयोग चिकित्सकले भने बमोजिम गर्ने ।
- चिकित्सकको सल्लाहा बमोजिम रगत तथा स्वास्थ परीक्षण गराउने ।
.jpg&w=179&h=128&static=true)
