नेपालमा सक्रिय कोरोना संक्रमितको संख्या साढे ६ हजारभन्दा कम, ६ सय ५९ नयाँ संक्रमित थपिए
काठमाडौं, १३ पुस । नेपालमा कोरोनाको सक्रिय संक्रमितको संख्या ७ हजारभन्दा कममा झरेको छ ।
पछिल्लो समय नेपालमा परीक्षण दरघट्दै गएपछि सक्रिय संक्रमितको संख्या पनि घट्दै गएको हो ।
स्वास्थ्य तथा जनसंख्या मन्त्रालयका अनुसार पछिल्लो २४ घन्टाको तथ्यांक अनुसार नेपालभर हाल जम्मा ६ हजार ४ सय २७ सक्रिय संक्रमित रहेका छन् ।
यस्तै गत २४ घन्टामा थप ६ सय ५९ जनामा कोरोना भाइरसको संक्रमण पुष्टि भएको छ ।
मन्त्रालयको अद्यावधिक विवरण अनुसार गत २४ घन्टामा ५ हजार ५ सय ७८ पिसिआर परीक्षण गर्दा २ सय ५२ जना महिला र ४ सय ७ जना पुरुषमा कोरोना पोजेटिभ देखिएको हो । नयाँ संक्रमित थपिएसँगै नेपालमा कोरोना संक्रमितको संख्या २ लाख ५८ हजार ८ सय ४० पुगेको छ ।
यस्तै गत २४ घन्टामा थप ७ सय १८ सय जना कोरोना संक्रमणमुक्त भएका छन् । योसँगै नेपालमा हालसम्म कोरोना भाइरसका कारण संक्रमित भएकामध्ये २ लाख ५० हजार ५ सय ८१ पुगेको छ । यो संख्या कुल संक्रमितको ९६ प्रतिशत ८ प्रतिशत हो ।
हाल नेपालभर ३ सय ६९ जना कोरोना संक्रमित क्वारेन्टाइनमा रहेका छन् ।
