काठमाडौं, ११ पुस । नेपालमा थप ३ जनाको कोरोनाका कारण मृत्यु भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घन्टामा देशभर जम्मा ३ जनाको कोरोना संक्रमणका कारण मृत्यु भएको हो ।

योसँगै नेपालमा कोरोना संक्रमणका कारण मृत्यु हुनेको संख्या १ हजार ८ सय १९ पुगेको छ । यो दर कुल संक्रमितको शून्य दशमलव ७१ प्रतिशत हो ।

यस्तै हाल नेपालभर कोरोनाका कारण संक्रमित भएकामध्ये २ सय २८ जना आईसीयूमा उपचाररत रहेका छन् भने ५० जना भेन्टिलेटरमा उपचार गराईरहेका छन् ।

यस्तै हाल देशभर ३ हजार ३ सय ४९ जना होम आइसोलेसनमा रहेका छन् । 

Hamro Doctor