काठमाडौं, ३ पुस । पछिल्लो २४ घण्टामा काठमाडौं उपत्यकामा १ सय २१ महिला र १ सय ६६ पुरुष गरी २ सय ८७  जना कोरोना संक्रमित थपिएका छन्। 

योसँगै उपत्यकामा एक लाख १७ हजार ८ सय ७९ जना व्यक्ति संक्रमित भएका छन्।

स्वास्थ्य तथा जनसंख्या मन्त्रालयका अनुसार  काठमाडौंमा २०२, ललितपुरमा ७६ र भक्तपुरमा ९ जनालाई  कोरोना संक्रमण देखिएको छ। 

त्यसैगरी, आज काठमाडौंमा १ जना र ललितपुरमा १ जना गरी २ कोरोना संक्रमितको मृत्यु भएको छ।

हालसम्म काठमाडौंमा मात्र ९४ हजार २ सय ७१ जना संक्रमित भएका छन्, जसमध्ये ४ सय ५३ जनाको मृत्यु भएको छ। हालसम्म ८९ हजार ८ सय ७४  जना निको भएका छन्।

ललितपुरमा १४ हजार ७ सय २३ जना संक्रमित भएका छन्। जसमा १ सय ४० जना संक्रमितको मृत्यु भएको छ। ललितपुरमा १३ हजार ८ सय ४० जना निको भएका छन्।

भक्तपुरमा ८ हजार ५ सय ९८ संक्रमितमध्ये ९७ जनाको मृत्यु भएको छ। हालसम्म ८ हजार १ सय १० जना निको भएका छन्।
 

Hamro Doctor