देशभर १३ हजार ६ सय १२ जना संक्रमित होम आइसोलेसनमा
काठमाडौं, १४ मंसिर । देशभर १३ हजारभन्दा बढी कोरेना संक्रमित होम आइसोलेसनमा रहेका छन्।
आइतबार १७ हजार ९ सय ९ जना सक्रिय संक्रमितमध्ये १३ हजार ६ सय १२ जना होम आइसोलेसनमा रहेको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार सबैभन्दा धेरै बाग्मती प्रदेशमा ८ हजार ६ जना होम आइसोलेसनमा छन्।
त्यस्तै प्रदेश १ मा १ हजार ७ सय ६१, प्रदेश २ मा ३ सय ५५, लुम्बिनी प्रदेशमा ७ सय ८१, सुदूरपश्चिम प्रदेशमा ३ सय ९४, गण्डकी प्रदेशमा ९ सय १४ र कर्णाली प्रदेशमा ८४ जना होम आइसोलेसनमा रहेको मन्त्रालयले जनाएको छ।
