नर्सिङ लाइसेन्स परीक्षाको नतिजा प्रकाशित, ४९ प्रतिशत उत्तीर्ण
काठमाडौं, १३ मंसिर । नेपाल नर्सिङ काउन्सिलले नर्सिङ तथा मिडवाइफहरुको दर्ता प्रमाणपत्र (लाइसेन्स) परीक्षाको नतिजा प्रकाशित गरेको छ। काउन्सिलले आज लिएको परीक्षाको नतिजा प्रकाशित गरेको हो।
सार्वजनिक नतिजा अनुसार नर्सिङ तर्फ ४९ दशमलव २९ प्रतिशत र मिडवाइफ तर्फ ६६ दशमलव ६६ प्रतिशत उत्तीर्ण भएका छन्। नर्सिङ तर्फ १ हजार २ सय ७० जना परीक्षामा सहभागि भएका थिए। जसमध्ये ६ सय २६ जना उत्तीर्ण भएका छन्।
यस्तै मिडवाइफ तर्फ ६ जनाले परीक्षा दिएकोमा ४ जना उत्तीर्ण भएका छन्।
