देशभर ७७२० कोरोना संक्रमित होम आइसोलेसनमा
काठमाडौं, २९ कात्तिक । शनिबार देशभर ७ हजार ७२० कोरोना संक्रमित होम आइसोलसनमा रहेका छन् ।
स्वास्थ्य तथा जनसंख्या मन्त्रालयका अनुसार देशभर ३६ हजार ४ सय ५२ सक्रिय संक्रमितमध्ये ७ हजार ७ सय २० संक्रमित होम आइसोलेसनमा रहेका छन्।
मन्त्रालयका अनुसार सबैभन्दा धेरै बाग्मती प्रदेशमा ४ हजार ५ सय १८ होम आइसोलेसनमा छन्।
त्यस्तै प्रदेश १ मा १ सय ४, प्रदेश २ मा ४३,गण्डकी प्रदेशमा १ हजार ३ सय ९१, लुम्बिनी प्रदेशमा १ हजार ५ सय ४९, कर्णाली प्रदेशमा ४३ र सुदूरपश्चिम प्रदेशमा ७२, जना संक्रमित होम आइसोलेसनमा रहेको मन्त्रालयले जनाएको छ।
