देशभर २८८२० कोरोना संक्रमित होम आइसोलेसनमा
काठमाडौं, २२ कात्तिक । देशभरी कोरोना संक्रमितको संख्या बढेसँगै होम आइसोलेसन बस्नेको संख्या पनि बढ्दै गएको छ।
शनिबार ३५ हजार ४ सय ३५ जना संक्रिय संक्रमित मध्ये २८ हजार ८ सय २० जना होम आइसोलेसनमा रहेको स्वास्थ्य तथा जनसंख्या मंन्त्रालयले जनाएको छ ।
सबै भन्दा धेरै बागमती प्रदेशमा १८ हजार ४ सय ८६ जना होम आइसोलेसनमा छन्।
त्यस्तै प्रदेश १ मा ४ हजार ५ सय ७०, प्रदेश २ मा ९ सय ८५, लुम्बिनी प्रदेशमा २ हजार १ सय ८६, सुदूरपश्चिम प्रदेशमा ६ सय ८५, गण्डकी प्रदेशमा १ हजार ७ सय १० र कर्णाली प्रदेशमा २ सय ९८ जना होम आइसोलेसनमा रहेको मन्त्रालयले जनाएको छ।
