नेपालमा कोरोना संक्रमितको संख्या एक लाख ९१ हजार नाघ्यो, ८१ प्रतिशत स्वस्थ
काठमाडौं, २२ कात्तिक । नेपालमा कोरोना भाइरसका कारण संक्रमित हुनेको संख्या एक लाख ९१ हजार नाघेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घन्टामा १० हजार ४ सय २३ पिसिआर परीक्षण गरिएकोमा थप २ हजार ७ सय ५३ जनामा कोरोना पोजेटिभ देखिएको हो ।
योसँगै नेपालमा कोरोना संक्रमितको संख्या १ लाख ९१ हजार ६ सय ३६ पुगेको छ ।
यस्तै पछिल्लो २४ घन्टामा थप २ हजार २ सय ६ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संंख्या एक लाख ५५ हजार १ सय १४ पुगेको छ । यो दर कुल संक्रमितको ८१ प्रतिशत हो ।
