देशभर ३०९२४ जना संक्रमित होम आइसोलेसनमा
काठमाडौं, १७ कात्तिक । देशभर कोरोना संक्रमितको संख्या बढेसँगै होम आइसोलेसन बस्नेको संख्या पनि बढ्दै गएको छ।
सोमबार ३० हजार ९ सय २४ जना होम आइसोलेसनमा रहेको स्वास्थ्य तथा जनसंख्या मंन्त्रालयले जनाएको छ।
मन्त्रालयका अनुसार सबै भन्दा धेरै बाग्मती प्रदेशमा १८ हजार २ सय ३३ जना होम आइसोलेसनमा छन्।
त्यस्तै प्रदेश १ मा ५ हजार ८ सय ९७, प्रदेश २ मा १ हजार ४६, लुम्बिनी प्रदेशमा ३ हजार ८६, सुदूरपश्चिम प्रदेशमा ८ सय ५४, गण्डकी प्रदेशमा एक हजार ३ सय ५९ र कर्णाली प्रदेशमा ४ सय ४९ जना होम आइसोलेसनमा रहेको मन्त्रालयले जनाएको छ।
