देशभर ३१ हजार ८ जना कोरोना संक्रमित होम आइसोलेसनमा
काठमाडौं, १५ कात्तिक । देशभरी कोरोना संक्रमितको संख्या बढेसँगै होम आइसोलेसन बस्नेको संख्या पनि बढ्दै गएको छ।
शनिबार ३८ हजार ३ सय ५७ जना संक्रिय संक्रमित मध्ये ३१ हजार ८ जना होम आइसोलेसनमा रहेको स्वास्थ्य तथा जनसंख्या मंन्त्रालयले जनाएको छ ।
मन्त्रालयका अनुसार सबै भन्दा धेरै बाग्मती प्रदेशमा १७ हजार ६ सय ९२ जना होम आइसोलेसनमा छन्।
त्यस्तै प्रदेश १ मा ६ हजार १ सय ४०, प्रदेश २ मा १ हजार २१, लुम्बिनी प्रदेशमा ३ हजार ४ सय २, सुदूरपश्चिम प्रदेशमा ८ सय ५०, गण्डकी प्रदेशमा १ हजार ३ सय ५९ र कर्णाली प्रदेशमा ५ सय ४४ जना होम आइसोलेसनमा रहेको मन्त्रालयले जनाएको छ।
