बीपी कोइराला स्वास्थ्य विज्ञान प्रतिष्ठानमा ७३ वर्षीय पुरुषको मृत्यु
धरान, १५ कात्तिक । धरानस्थित बीपी कोइराला स्वास्थ्य विज्ञान प्रतिष्ठानमा उपचाररत एकजना कोरोना संक्रमित पुरुषको मृत्यु भएको छ ।
झापाको गौरीगञ्ज घर भएका ७३ वर्षीय पुरुषको शनिबार ६ बजेर ४५ मिनेटमा मृत्यु भएको अस्पतालले जनाएको हो ।
पहिलेदेखि नै मुटुको समस्याबाट पीडित पुरुषमा कात्तिक ६ गते कोरोना संक्रमण पुष्टि भएको थियो । उनी कात्तिक ७ गते प्रतिष्ठानको कोभिड अस्पतालमा भर्ना भएका थिए ।
