चितवनमा थप १ सय २१ जनामा कोरोना संक्रमण पुष्टि, निको हुनेको संख्या २ हजार नाघ्यो
चितवन, ६ कात्तिक । चितवनमा थप १ सय २१ जनामा कोरोना भाइरस (कोभिड–१९) संक्रमण पुष्टि भएको छ ।
भरतपुर १० स्थित रहेको चितवन मेडिकल कलेज (सीएमसी) को कोरोना प्रयोगशालामा ८९ र भरतपुर अस्पताल कोभिड–१९ परीक्षण प्रयोगशालामा बुधवार गरिएको परीक्षणमा ३२ गरी थप एकसय २१ जनामा कोरोना संक्रमण पुष्टि भएको हो । जसमध्ये ८१ जना जिल्ला भित्रका छन् भने ४० जना बाहिरी जिल्लाका छन् ।
चितवनका यी दुईवटा प्रयोगशालामा गरी छ सय १५ वटा नमुना परीक्षण गरिएको मध्ये ती एकसय २१ जनामा कोरोना संक्रमण पुष्टि भएको हो ।
योसँगै जिल्लामा संक्रमितको संख्या तीन हजार पाँच सय नाघेको छ । जसमध्ये जिल्लाभर बुधवारसम्म दुई हजार ३६ जना कोरोना भाइरस (कोभिड–१९) संक्रमणमुक्त भएका छन् ।
स्वास्थ्यकर्मीसमेत रहेका पाठक हाम्रो डक्टर न्यूजका चितवन ब्यूरो प्रमुख हुन् ।