विराटनगरमा थप एकजना कोरोना संक्रमितको मृत्यु
विराटनगर, ३० असोज। विराटनगरमा थप एकजना कोरोना संक्रमितको मृत्यु भएको छ । विराटनगर महानगरपालिका ३ बुद्धचोक निवासी संक्रमित पुरुषको नोबेल शिक्षण अस्पतालमा मृत्यु भएको हो ।
६५ वर्षीय पुरुषको शुक्रबार बिहान ३ बजेतिर मृत्यु भएको अस्पताल प्रबन्धक नारायण दाहालले बताए । वृद्धमा बुधबार कोरोना पोजेटिभ देखिएको थियो । मृतकमा उच्च रक्तचाप सम्बन्धी पुरानो समस्या थियो ।
