चितवनमा काेराेना संक्रमणबाट भरतपुर २० का वडाध्यक्षकाे मृत्यु
चितवन, २५ असाेज । चितवनस्थित भरतपुर अस्पतालमा उपचाररत भरतपुर २० का वडाध्यक्षकाे मृत्यु भएकाे छ ।
भरतपुर महानगरपालिका–२० का ६९ वर्षिय वडाध्यक्ष मणिलाल तामाङको आइतवार बिहान ११ः३० बजे मृत्यु भएकाे भरतपुर अस्पतालले जनाएकाे छ ।
उनी ज्वरो, खोकी र श्वासप्रश्वासमा समस्या देखिएपछि यहि असाेज २३ गते अस्पताल भर्ना भएका थिए । उनी असाेज १६ गते नै काेराेना पुष्टि भई हाेम आइसाेलेसनमा बस्दै आएका थिए । उनलाई स्वास्थ्यमा जटिल समस्या देखिएपछि काेभिड आईसियूमा भेन्टिलेटरकाे सहायताले उपचार गरिएकाे थियाे । उनकाे त्यही उपचारकाे क्रममा मृत्यु भएकाे अस्पतालले जनाएकाे छ ।
मधुमेह, उच्च रक्तचापका बिरामी उनमा अहिले निमाेनिया समेत देखिएकाे थियाे । स्वाथ्यकर्मीको अथक प्रयासमा उपचार गर्दागर्दै उनकाे मृत्यु भएकाे अस्पतालले जनाएकाे छ ।
याेसँगै चितवनका ३४ जना काेराेना संक्रमितकाे मृत्यु भएकाे छ ।
स्वास्थ्यकर्मीसमेत रहेका पाठक हाम्रो डक्टर न्यूजका चितवन ब्यूरो प्रमुख हुन् ।