कोरोना संक्रमणबाट विराटनगरमा थप एकजनाको मृत्यु
विराटनगर, १८ असोज । कोरोना संक्रमणका कारण विराटनगरमा थप एकजनाको मृत्यु भएको छ । कोसी अस्पतालको कोभिड १९ उपचार केन्द्रमा उपचाररत विराटनगर महानगरपालिका– ९ का ६२ वर्षीय पुरुषको मृत्यु भएको हो ।
उनको उपचारको क्रममा आइतबार बिहान साढे ८ बजे मृत्यु भएको कोभिड उपचार केन्द्रका प्रमुख डाक्टर दीपक सिग्देले बताए ।
शुक्रबार कोरोना पोजेटिभ देखिएका पुरुषको स्वास्थ्यमा थप समस्या आएपछि विराट मेडिकल कलेजले उनलाई शनिबार कोसी अस्पताल रेफर गरेको थियो । उनी मधुमेहका बिरामी पनि थिए ।
