काठमाडौं, १ असोज । नेपाल चिकित्सक संघले स्वास्थ्यकर्मीको सुरक्षा प्रदान गर्नको लागि सरकार समक्ष अनुरोध गरेको छ।

बिहिबार एक विज्ञप्ती जारी गर्दै संघले स्वास्थ्यकर्मीहरुको सुरक्षा र सुरक्षित काम गर्ने वातावरणले नै विरामीको सुरक्षा हुने सक्ने जनाएको छ।

स्वास्थ्यकर्मी सुरक्षित रहेमात्र बिरामी माथि हुने नोक्सानलाई कम गर्न सकिने बताएको छ।

‘स्वास्थ्यकर्मीहरुलाई संधै तनाव हुन्छ । त्यसमाथि कोरोनाको महामारीले झनै तनाव र जोखिम थपिदिएको छ, विज्ञप्तीमा भनिएको छ,‘यस्तो समयमा स्वास्थ्यकर्मी सुरक्षित रहेमात्र बिरामीको सुरक्षा हुन सक्छ।’

त्यस्तै एनएमएले स्वास्थ्यकर्मीहरुमाथि हिंसा र आक्रमण गर्नेहरुमाथि बिना पूर्जी पक्राउ गर्न पनि आग्रह गरेका छन्।
 

Hamro Doctor