काठमाडौं उपत्यकामा कोरोना संक्रमणको जोखिम उच्च
काठमाडौं, ३० भदौ । पछिल्लो २४ घण्टामा काठमाडौं उपत्यकामा ६ सय ७६ कोरोना संक्रमित थपिएका छन।
काठमाडौंमा ५ सय ५५ , ललितपुरमा ३५ र भक्तपुरमा ८६ जनालाई कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
योसँगै उपत्यकामा कोराना संक्रमितको संख्या १२ हजार ९ सय २४ पुगेको छ।
काठमाडौंमा १० हजार ५ सय ८३ ललितपुरमा १ हजार २ सय २६ र भक्तपुरमा १ हजार १ सय १५ संक्रमित पुगेका छन्।
पछिल्लो २४ घण्टामा देशभर १ हजार ४ सय ५९ नयाँ संक्रमित थपिएका छन्। कूल संक्रमितको संख्या ५६ हजार ७ सय ८८ पुगेको छ। २४ घण्टा १ हजार ६२ जना डिस्चार्ज भएका छन्। देशभर कोरोना संक्रमण मुक्त हुनेको संख्या ४० हजार ६ सय ३० जना पुगेको छ।
