काठमाडौं उपत्यकामा मात्रै ५१२ संक्रमित थपिए
काठमाडौं, २९ भदौ । पछिल्लो २४ घण्टामा काठमाडौं उपत्यकामा ५१२ कोरोना संक्रमित थपिएका छन।
काठमाडौंमा ४ सय ४० , ललितपुरमा २९ र भक्तपुरमा ४३ जनालाई कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
उपत्यकामा कोराना संक्रमितको संख्या १२ हजार २ सय ४८ पुगेको छ।
काठमाडौंमा १० हजार २६, ललितपुरमा १ हजार १ सय ९० र भक्तपुरमा १ हजार ३१ संक्रमित पुगेका छन्।
पछिल्लो २४ घण्टामा देशभर १ हजार १ सय ७० नयाँ संक्रमित थपिएका छन्। कूल संक्रमितको संख्या ५५ हजार ३ सय २९ पुगेको छ। २४ घण्टा ८ सय ७९ जना डिस्चार्ज भएका छन्।
देशभर कोरोना संक्रमण मुक्त हुनेको संख्या ३९ हजार ५ सय ७६ जना पुगेको छ।
