चितवनमा थप ११ जनामा कोरोना भाइरसको संक्रमण पुष्टि
चितवन, २७ भदाै । एकैदिन चितवनका ९८ जनामा काेराेना भाइरसकाे (काेभिड-१९) संक्रमण पुष्टि भएकाे छ ।
भरतपुर १० स्थित रहेकाे चितवन मेडिकल कलेज (सीएमसी) मा चितवनका थप ११ जनामा कोरोना भाइरस संक्रमण पुष्टि भएसँगै शनिवार मात्रै चितवनका ९८ जनामा काेराेना भाइरस (काेभिड-१९) पुष्टि भएकाे हाे ।
यसअघि शनिवार बिहानै प्राप्त नतिजा अनुसार भरतपुर अस्पताल काेभिड-१९ परीक्षण प्रयाेगशालामा गरिएकाे परीक्षणमा चितवनका तीन वर्षीय बालक सहित थप ८७ जनामा कोरोना संक्रमण पुष्टि भएकाे थियाे ।
चितवन मेडिकल कलेज कोभिड ल्याबमा गरिएको परीक्षणमा चितवनका संक्रमण पुष्टि हुनेमा भरतपुर महानगरपालिकाका ९ जना र रत्ननगर नगरपालिकाका २ जना रहेका छन् ।
यसअघि शनिवार बिहान भरतपुर महानगरपालिकामा मात्रै ७३ जना थिए । अहिलेकाे थप ९ जना सहित भरतपुर महानगरपालिकाका मात्रै शनिवार एकैदिन ८२ जना संक्रमित थपिएका छन् ।
चितवन मेडिकल कलेजकाे कोभिड ल्याबमा जिल्ला बाहिरका संक्रमित हुनेमा नवलपरासी पूर्वका ८ जना, बाँके, काठमाडौं, रुपन्देही, तनहुँ र लमजुङका समान एक/एक जना गरी १३ जना रहेका छन् ।
उनीहरूकाे चितवन मेडिकल कलेज र भरतपुर अस्पताल काेभिड-१९ परीक्षण प्रयाेगशालामा स्वाब आरटिपिसिआर प्रविधिबाट परीक्षण गरिएकाे हाे ।
स्वास्थ्यकर्मीसमेत रहेका पाठक हाम्रो डक्टर न्यूजका चितवन ब्यूरो प्रमुख हुन् ।