पछिल्लो २४ घन्टामा १८१४ कोरोना संक्रमित कोरोनामुक्त
काठमाडौं, २१ भदौ । पछिल्लो २४ घण्टामा थप १ हजार ८ सय १४ कोरोना संक्रमित संक्रमणमुक्त भएका छन्।
देशका विभिन्न आइसोलेसनबाट उनीहरू निको भएर घर फर्किएको स्वास्थ्य तथा जनसंख्या मन्त्रालयले जनाएको छ ।
यो सँगै नेपालमा २८ हजार ९ सय ४१ जना संक्रमित उपचारपछि निको भएका छन्। सोलुखुम्बु, मुस्ताङ, डोल्पा, मुगु र हुम्ला गरी ५ जिल्लामा संक्रमित शून्य भएका छन्।
मन्त्रालयका अनुसार १० हजार ३ सय ८२ जनाको पिसिआर परीक्षण भएको छ। यो सँगै अहिले सम्म ७ लाख ६८ हजार ३ सय ४५ जनाको पिसिआर परीरक्षण भएको मन्त्रालयले जनाएको छ।
मन्त्रालयका अनुसार ४ हजार ७ सय ३ जना क्वारेन्टाइनमा छन्। संक्रिय संक्रमितको संख्या १७ हजार २७ रहेको छ।
