चिकित्सक नाम दर्ता परीक्षा भदौ २० मा हुने
काठमाडौं, १५ भदौ । चिकित्सकको नाम दर्ता (लाइसेन्स) परीक्षा भदौ २० गते हुने भएको छ ।
नेपाल मेडिकल काउन्सिलले लिँदै आएको लाइसेन्स परीक्षा सञ्चालनका लागि सबै तयारी पूरा भइसकेको भन्दै २० गते शनिवार परीक्षा सञ्चालन गर्न लागेको जनाएको हो ।
काउन्सिलका रजिस्ट्रा डा कृष्ण प्रसा अधिकारीले भदौ १४ गतेको मन्त्रिपरिषद् बैठकले परीक्षा सञ्चालनका लागि अनुमति दिएसँगै काउन्सिलले परीक्षा हुने मिति तोकेको बताए ।
परीक्षा सञ्चालनका लागि काउन्सिलले निश्चित मापदण्ड पूरा गरेर परीक्षा सञ्चाल गर्न लागेको पनि उनले बताए ।
यसअघि काउन्सिलले लिँदै आएको लाइसेन्स परीक्षा लकडाउनका कारण प्रभावित हुँदा पटक पटक तय हुँदा पनि हुन सकेको थिएन ।
