काेराेना संक्रमित १९ वर्षीय युवक भरतपुर अस्पतालबाट फरार, खाेजी कार्य जारी
चितवन, ९ भदाै । भरतपुर अस्पतालमा उपचाररत एकजना काेराेना संक्रमित युवक भागेका छन् ।
उनी अस्पतालकाे आइसोलेसन वार्डबाट नै मंगलबार बिहान पाँच बजेतिर भागेकाे अस्पतालका सूचना अधिकारी लिलाधर पाैडेलले हाम्रो डक्टर न्युजलाई जानकारी दिए ।
अस्पतालका प्रहरीका अनुसार भरतपुर महानगरपालिका १२ ठेगाना लेखेका १९ वर्षीय ती युवक काेराेना संक्रमित भएपछि भदाै ६ गते अस्पतालमा भर्ना भएका थिए ।
विहान पाँच बजेतिर स्वास्थ्यकर्मी आइसोलेसनमा पुग्दा फेला नपरेको अस्पतालले जनाएको छ । त्यहाँ रहेका बिरामीका अनुसार उनी चार देखि साढेचार बजेसम्म अस्पतालमै थिए ।
उनी अस्पतालकाे सुरक्षाकर्मी अन्य काममा गएकाे माैका छाेपि भागेका हुन । उनी प्रहरी बसेकाे मूलगेट भन्दा अर्कै स्थानबाट भागेकाे अस्पतालले जनाएकाे छ । उनकाे अहिले खोजि कार्य जारी रहेको प्रहरीले जनाएको छ ।
स्वास्थ्यकर्मीसमेत रहेका पाठक हाम्रो डक्टर न्यूजका चितवन ब्यूरो प्रमुख हुन् ।