नेपालमा थपिए ५ सय ८१ नयाँ संक्रमित, संख्या २७ हजार नाघ्यो
काठमाडौं, १ भदौ । नेपालमा कोरोना संक्रमितको संख्या २७ हजार नाघेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घन्टामा विभिन्न ३९ वटा प्रयोगशालामा ११ हजार ५ सय २० पिसिआर परीक्षण गरिएको छ ।
मन्त्रालयका प्रवक्ता डा जागेश्वर गौतमले पछिल्लो २४ घन्टामा गरिएको पिसिआर परीक्षणमा थप ५ सय ८१ जनामा कोरोना भाइरसको संक्रमण पुष्टि भएको बताए ।
योसँगै नेपालमा कोरोना भाइरसका कारण संक्रमित हुनेको संख्या २७ हजार २ सय ४१ पुगेको बताए ।
यस्तै नेपालमा हालसम्म कोरोना भाइरसको संक्रमणपछि निको हुनेको संख्या १७ हजार ७ सय नाघेको छ ।
मन्त्रालयका अनुसार पछिल्लो २४ घन्टामा १ सय ६० जना कोरोना संक्रमित निको भएका छन् ।
प्रवक्ता डा गौतमले नेपालमा हालसम्म कोरोना संक्रमणपछि निको हुनेको संख्या १७ हजार ७ सय ९५ पुगेको बताए ।
