काठमाडौं, २९ असार । पछिल्लो पाँच दिनदेखि दुई अंकमा झरेको कोरोना संक्रमितको संख्या फेरि तीन अंकमा पुगेको छ ।

स्वास्थ्य तथा जनसंख्या मन्त्रालयले नियमित कोभिड १९ सम्बन्धी नियमित जानकारी दिने क्रममा विभिन्न प्रयोगशालामा गरिएको परीक्षणमा एक सय ४४ जनामा कोरोना संक्रमण पुष्टि भएको बताएको हो ।

मन्त्रालयका प्रवक्ता डा.जागेश्वर गौतमले पछिल्लो पाँच दिनदेखि २ अंकमा रहेको कोरोना संक्रमित सोमवार ३ अंकमा पुगेको र नेपालमा कोरोना संक्रमितको संख्या १७ हजार नजिक पुगेको बताए ।

उनले नेपालमा हालसम्म कोरोना भाइरसका कारण संक्रमित हुनेको संख्या १६ हजार ९ सय ४५ पुगेको जानकारी दिए ।

यस्तै हालसम्म संक्रमित भएकामध्ये १० हजार २ सय ९४ जना स्वस्थ भएको र मृत्यु हुनेको संख्या ३८ रहेको पनि उनले बताए । 

Hamro Doctor