गण्डकीका सबै जिल्लामा कोरोना संक्रमण फैलियो, मुस्ताङमा पहिलो पटक एक जनामा संक्रमण पुष्टि
पोखरा, ६ असार । गण्डकी प्रदेशको ११ वटै जिल्लामा कोरोना भाइरसको संक्रमण फैलिएको छ ।
मुस्ताङमा पहिलो पटक एक जनामा कोरोना संक्रमण पुष्टि भएको हो ।
व्यक्तिलाई कोरोना पोजेटिभ देखिएको प्रादेशिक जनस्वास्थ्य प्रयोगशालाले जानकारी दिएको छ । प्रयोगशालाले सम्बन्धीत जिल्लालाई जानकारी गराएको बताएपनि जिल्लाले यसबारे सार्वजनिक गरेको छैन ।
संक्रमितको ट्राभल हिस्ट्री र अरु विवरणका बारेमा प्रदेश स्वास्थ्य निर्देशनालयले केहीबेरमा सूचना सार्वजनिक गर्ने तयारी गरेको कोरोना रोकथाम तथा नियन्त्रण कार्यक्रमका प्रवक्ता डा विनोद विन्दु शर्माले बताए ।
मुस्ताङमा कोरोना भाइरसको संक्रमण पुष्टि भएसँगै नेपालका ७५ जिल्लामा कोरोना भाइरसको संक्रमण फैलिएको छ ।
