चितवनमा आठ भन्दा बढी जिल्लाको कोरोना परीक्षण, थप २ जनामा संक्रमण पुष्टि
चितवन, ४ असार । चितवनमा गरिएको परीक्षणमा दुई जनामा कोरोना भाइरस संक्रमण पुष्टि भएको छ ।
चितवन जिल्लाको खैरहनी नगरपालिका ११ का २२ वर्षीय पुरुष र नवलपुर जिल्लाको गैडाकोट नगरपालिका १३ का २८ वर्षीय पुरुषमा कोरोना भाइरस (कोभिड-१९) संक्रमण पुष्टि भएको भरतपुर अस्पतालले जनाएको छ ।
भरतपुर कोभिड-१९ परीक्षण प्रयोगशालामा बुधवार स्वाब आरटिपिसिआर प्रविधिबाट परीक्षण गर्दा ती २ जनामा कोरोना भाइरस (कोभिड-१९) संक्रमण देखिएको हो ।
बुधवार अर्घाखाँची जिल्लाका ६६ वटा नमुना सहित विभिन्न ठाउँको गरि चितवनमा २ सय १० वटा नमूना परीक्षण गरिएकोमा बाँकी २ सय ८ वटा नमुनाको रिपोर्ट भने नेगेटिभ आएको अस्पतालले जनाएको छ ।
भरतपुर कोभिड-१९ परीक्षण प्रयोगशालामा चितवन, धादिङ, सल्यान, नवलपुर, अर्घाखाँची, नुवाकोट, कपिलवस्तु, मकवानपुरलगाएत आठ भन्दा बढी जिल्लाबाट आएका नमुनामा कोरोना परीक्षण हुने गरेको छ ।
स्वास्थ्यकर्मीसमेत रहेका पाठक हाम्रो डक्टर न्यूजका चितवन ब्यूरो प्रमुख हुन् ।