नेपालमा कोरोना भाइरसका कारण मृत्यु हुनेको संख्या १२ पुग्यो
काठमाडौं, २४ जेठ । नेपालमा कोरोना भाइरस संक्रमणका कारण मृत्यु हुनेको संख्या १२ पुगेको छ ।
डोल्पाको जगदुल्ला गाउँपालिका ३ का ५८ वर्षीय एक जना पुरुषको मृत्युपछि नमूना परीक्षण गर्दा उनमा कोरोना संक्रमण पुष्टि भएको हो ।
कर्णाली प्रदेश सामाजीक विकास मन्त्रालय अन्र्तगतको स्वास्थ्य महाशाखाका प्रमुख डा.लक्ष्मी नारायण तिवारीका अनुसार कर्णाली स्वास्थ्य विज्ञान प्रतिष्ठानमा मृतक व्यक्तिको नमूना परीक्षण गर्दा कोरोना संक्रमण पुष्टि भएको हो ।
१२ जना साथीसँगै जेठ १८ गते गाडीमा सुर्खेतबाट डोल्पा पुगेका उनी होम क्वारेन्टाइनमा बसेको र जेठ २२ गतेमात्रै उनको स्वाब संकलन गरेर परीक्षणका लागि जुम्ला पठाइएको उनले बताए ।
उनको मृत्यु जेठ २० गते नै भइसकेको थियो ।
