प्रदेश २ को धनुषासहित ३ जिल्लामा थपिए ६० जना नयाँ कोरोना संक्रमित
काठमाडौं, १८ जेठ । प्रदेश २ मा आज बिहान ६० जना व्यक्तिहरुमा कोरोना संक्रमणको पुष्टि भएको छ ।
रािष्ट्रय जनस्वास्थ्य प्रयोगशाला टेकुमा गरिएको परीक्षणमा प्रदेश २ का ६० जना व्यक्तिमा कोरोना भाइरसको संक्रमण पुष्टि भएको हो ।
संक्रमितहरु रौतहटका २९, धनुषाका २१, सर्लाहीका १० जना रहेका छन् ।
प्रदेश २ को सामाजीक विकास मन्त्रालयका अनुसार रौतहटका दुर्गाभगवती क्वारेन्टाइनका ८ जना, मदरसा क्वारेन्टाइनका १० र गौर क्वारेन्टाइनका ११ जना रहेका छन् ।
त्यसैगरी धनुषाको मुखियापट्टी मुसहरनिया क्वारेन्टाइनका ११ जना, गोपाल धर्मशालाको ९ जना र १ जना गणेशमान चारनाथ नगरपालिकाका एक जना गरि २१ जना छन् ।
त्यसैगरी सर्लाहीको हरिपुर नगरपालिकाका ७ जना र बहम्पुरी गाँउपालिका क्वारेन्टाइनका ३ जना रहेका छन ।
योसँगै प्रदेश २ मा मात्रै कोरोना भाइरस संक्रमित हुनेको संख्या ६ सय १९ पुगेको छ भने एक जनाको कोरोना भाइरस संक्रमणका कारण मृत्यु भएको छ ।
