कोरोना संक्रमित ग्राण्डी अस्पतालका कर्मचारीलाई पाटन पठाइयो
काठमाडौं, ११ जेठ । ग्राण्डी इन्टरनेशनल अस्पतालका एक जना कर्मचारीमा कोरोना संक्रमण पुष्टि भएको छ ।
अस्पतालका एक जना ३५ वर्षीय पुरुषले स्वइच्छाले पिसिआर जाँच गराउँदा उनमा कोरोना संक्रमण पुष्टि भएको अस्पतालले जनाएको छ ।
अस्पतालका मेडिकल डाइरेक्टर डा.चक्रराज पाण्डेले अस्पतालको कर्मचारीमा कोरोना संक्रमण पुष्टि भएपछि सरकारको निर्देशिका अनुसार उपचारका लागि पाटन अस्पताल पठाइएको बताएका छन् ।
उनले संक्रमित व्यक्ति देखिएपछि अस्पतालका सबै व्यक्ति र उनको सम्पर्कमा आएकाहरुको खोजी कार्य सुरु गरिएको बताए ।
गत जेठ ६ गते काठमाडौंमा ३ जनामा कोरोना पुष्टि भएकोमा ग्राण्डी अस्पतालका एक जना रहेको पनि डा.पाण्डेले जानकारी गराए ।
Last modified on 2020-05-24 07:39:16
