सिन्धुपाल्चोककी महिलाको मृत्युबारे विवरण संकलन गर्दै मन्त्रालय
काठमाडौं, ३ जेठ । धुलिखेल अस्पतालमा मृत्यु भएकी महिलाको विवरण संकलन गरिँदैछ ।
स्वास्थ्य तथा जनसंख्या मन्त्रालयका अनुसार धुलिखेल अस्पतालमा मृत्यु भएकी महिलाको थप विवरण संकलन गर्ने काम भइरहेको छ ।
गत वैशाख २३ गते काठमाडौंको त्रिवि शिक्षण अस्पताल महाराजगञ्जमा सुत्केरी हुनका लागि भर्ना भएकी थिइन् । २४ गते सुत्केरी भएकी महिला तीनि वैशाख २५ गते डिस्चार्ज भएर घर फर्केको मन्त्रालयका प्रवक्ता डा. विकास देवकोटाले बताएका छन् ।
उनले भने, 'घर फर्केपछि ती महिलालाई ज्वरो, रुघाखोकी र श्वासप्रश्वासमा समस्यम आएपछि स्थानीय स्वास्थ्य केन्द्रमा उपचार गराइएको थियो । समस्या जटिल बन्दै गएपछि धुलिखेल ल्याउँदै गर्दा उनको मृत्यु भएको थियो ।'
डा.देवकोटाले उनको मृत्युको कारणबारे विवरण संकलनको काम भइरहेको र उनको नमूना परीक्षण लगायतका विषयमापनि जानकारी लिने क्रम जारी रहेकाले यो विषयमा मन्त्रालयले विस्तृत विवरणपछि मात्रै सार्वजनिक गरिने बताए ।
