धनगढी, १८ वैशाख । जिल्ला अस्पताल अछामको आईसोलेसनमा राखिएकी एक महिलाको मृत्यु भएको छ जिल्लाको मंगलसेन नगरपालिका वडा नम्वर ५ की ५१ बर्षीय देवु सार्कीको मृत्यु भएको हो ।

अछामका कोभिड १९ सम्पर्क व्यक्ति देवदत्त जोशीका अनुसार ज्वरो आएपछि उनलाई तीन दिन अगाडि अस्पतालमा भर्ना गरिएकोमा बिहीवार बिहान मृत्यु भएको हो ।

आरडिटी रिपोर्ट नेगेटिभ आएपछि उनको कोरोना परीक्षणका लागि थ्रोट स्वाब संकलन गरिएको थिएन् । तर आज बिहान मृत्यु भएपछि थ्रोट स्वाब संकलन गरी परीक्षणका लागि सुर्खेत पठाईएको जोशीले बताए ।

उनका छोरा केही साता अगाडि मात्रै भारतबाट फर्किएका थिए ।

Hamro Doctor