रौतहटका १९ वर्षीय युवकमा पनि देखियो कोरोना
काठमाडौं, १ वैशाख । रौतहटको १९ वर्षीय एक युवकमा कोरोना पुष्टि भएको छ ।
रौतहटको क्वारेन्टाइनमा रहेका एक युवकमा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
सोमवार राष्ट्रिय जनस्वास्थ्य प्रयोगशलामा गरिएको स्वाब परीक्षणमा ती युवकमा कोरोना पुष्टि भएको मन्त्रालयको नियमित प्रेस ब्रिफिङको क्रममा प्रवक्ता डा.विकास देवकोटाले बताए ।
उनले ती युवकलाई क्वारेन्टाइनबाट अस्पताल लैजाने तयारी भइरहेको जानकारी पनि गराए ।
सोमवारै राष्ट्रिय जनस्वास्थ्य प्रयोगशालामा गरिएको परीक्षणको क्रममा कैलालीको एक ६५ वर्षीया महिलामा पनि कोरोना पुष्टि भएको थियो । ती महिलालाई लम्कीचुहाबाट सेती प्रादेशिक अस्पताल पुर्याइएको छ ।
योसँगै नेपालमा कोरोना संक्रमित हुनेको सख्ंया १४ पुगेको छ ।
Last modified on 2020-04-13 16:36:46
