चिकित्सा शिक्षा आयोगको बैठकः प्रधानमन्त्रीले भने आयोगले कसैको दवावमा काम गर्नु हुँदैन
काठमाडौं, १ असोज । चिकित्सा शिक्षा आयोगको पहिलो बैठक बुधबार बसेको छ ।
आयोग गठन पछि बसेको बैठकलाई प्रधानमन्त्री केपी शर्मा ओलीले सम्बोधन गर्दै चिकित्सा शिक्षा आयोगले कसैको प्रभाव वा दवावमा काम गर्न नहुने बताए ।
बालुवाटारमा बसेको बैठकमा आयोगका अध्यक्ष समेत रहेका प्रधानमन्त्री ओलीले विगतमा कतिपय कामहरु दवाव, भावना र अन्य प्रकारका सम्बन्ध भएकोले त्यस प्रकारको कमजोरी अब दोहोरिन नहुने बताए ।
उनले नेपालमा ७० प्रतिशत प्राविधिक धारको शिक्षा हुनुपर्ने बताए । उनले भने, “हाम्रो शिक्षा साक्षर बनाउने खालको मात्र होइन, जीवन उपयोगी बनाउनु पर्दछ ।”
प्रधानमन्त्रले थपे, “विगतमा शैक्षिक संस्थाको संख्या हेरियो तर गुणस्तर हेरिएन । तर अब त्यस्तो हुदैन ।”
Last modified on 2019-09-20 07:36:11
