काठमाडौं, ३० भदौ । शुक्रराज ट्रपिकल एवं सरुवा रोग अस्पतालमा डेंगु रोगका बिरामीको संख्या बढ्दै गएको पाइएको छ ।

आइतबार ८ सय ९३ जना डेंगुको शंका लागेर जाँच गराउन आएका थिए । जसमध्ये ३ सय ५५  जनाको डेंगु परिक्षण गरिएको थियो । जसमा १ सय ६८ जनामा डेंगु पोजेटिभ देखिएको अस्पताल स्रोतले जनाएको छ । 

यसअघि शनिबार ४ सय जनाले डेंगु लागेको शंकामा जाँच गराउन आउँदा ६१ जनामा पोजेटिभ देखिएको थियो ।

पछिल्लो दुई दिनको अस्पतालको तथ्यांक हेर्ने हो भने काठमाडौंमा डेंगु रोगका बिरामीको संख्या बढ्दो छ ।

देशैभर फैलिको डेंगुका कारण मानिसहरुमा सामान्य ज्वरो आउँदा पनि  डेंगु नै हो की भने अस्पताल पुग्नेहरुको संख्या बढ्दै गएको अस्पतालले जनाएको छ । 

Hamro Doctor