हेटौंडा अस्पतालको लापरबाही: बिरामीलाई म्याद सकिएको औषधि चलाइयो
हेटौंडा, २३ भदौ । हेटौंडा अस्पतालको फार्मेसीमा चरम लापरबाहि भएको पाइएको छ । अस्पतालको फार्मेसीले बिरामीलाई म्याद सकिएका औषधि दिएको पाइएको हो । उक्त औषधि अस्पताल आउने बिरामीलाई लगातार १४ दिनसम्म चलाइएको छ ।
अस्पतालमा भर्ना भएका एक बिरामीलाई भ्याद सकिएको इन्सुलिन लगातार १४ दिन सम्म चलाइएको हो । ५ भदौमा अस्पताल भर्ना भएका बिमल क्षेत्रीलाई भदौ १८ गतेसम्म म्याद सकिएको इन्सुलिन अस्पतालका कर्मचारीहरुले दिइएको पाइएको हो ।
बिरामी क्षेत्रीले आफुलाई म्याद सकिएको औषधि दिएको भन्दै स्वास्थ्य अवस्थाको भरपाई गरिदिन अस्पतालमा निवेदन दिएका छन् । उनको निवेदन अनुसार इन्सुलिनको म्याद सन् २०१९ को मे महिना सकिने छ भने औषधि उत्पादन मिति भने जुन २०१७ रहेको छ ।
क्षेत्रीको निवेदनपछि अस्पतालले आफ्नो गल्ती भएको स्वीकार गरेको छ । अस्पतालले गल्ती स्वीकार गर्दै लिखित रुपमा माफी मागेको छ । अस्पतालले फार्मेसीबाट म्याद सकिएको औषधि क्षेत्रीमा चलाइएको अस्पतालले लिखित रुपमा नै स्पष्ट पारेको छ ।
यस्तो छ बिरामीको निवेदन
अस्पतालको माफी
